"மாற்றான்" மற்றும் "சாருலதா" - படங்களில் (+) மற்றும் (-)

 மாற்றான் 

 

சாருலதா 

தற்போது வெளியாகியுள்ள "மாற்றான்" மற்றும் "சாருலதா" இரண்டுமே உடன் பிறப்புகள் ஒட்டி பிறந்து ஒருவர் இறந்து மற்றொருவர் தன்  உடன்பிறப்பின் காதலை மற்றொருவர் அடைவது
என்கின்ற ரீதியில்  எடுக்கப்பட்ட படம். இந்த இரு படங்களில் உள்ள (+) மற்றும் (-)  பற்றி பார்போம்.
 
"மாற்றான்" 

 
 
(-)
 
*சூர்யா படம் என்றதும் முதலில் நினைவிற்கு வருவது சூரியாவின்  முழுமையான நடிப்பு திறமை + வெகுளித்தனம் + உழைப்பு + முயற்சி. "ஏழாம் அறிவு" படத்தில்  சூர்யா உண்மையான போதிதருமராக நடித்து உண்மையான போதிதருமராகவே காட்சியளித்தார். அத்தகைய சூர்யா இளைய சமுதாயத்திற்கு ஒரு பாடமாக இருந்தார். இதுவரை அவர் நடித்த படம் எதுவும் மாற்றான் அளவிற்கு மோசமானதாக இல்லை. படம் சரியில்லை பிளாப் என்று ஒரே வரியில் முடிந்துவிடும். ஆனால் மாற்றான் படத்தில் சூரியாவே சரியில்லை என்பதுதான்
பிரச்சனை. அண்ணன் காதலியை அண்ணன் இறந்ததும் தன் காதலியாக்குவது என்பது  
உறவுகள் பற்றிய உணர்வுகளை தவறாக அல்லவா இளைஞர் மத்தியில் காட்டுகிறது.   
 
* ஒரு தமிழ் படத்தை தமிழ் படம் பாணியிலேயே எடுக்கலாமே அதைவிடுத்து ஏன் ஆங்கில படம் போன்று ஒரு சண்டை காட்சி? ஆங்கில படம் போன்ற ஒரு அமைப்பு?. எதற்கு இப்படி ஒரு ஆங்கில படம் எடுக்க  எல்லோரும் ஆசைப்படுகிறார்கள். அதற்கு  பேசாமல் ஒரு ஆங்கில படத்தை பார்த்துவிடலாமே   எதற்கு சூர்யா படத்திற்கு வரவேண்டும்.  
 
* ஒரு சூர்யா நல்லவன் ஒரு சூர்யா கெட்டவன். ஒருவன் இறந்ததும் இன்னொரு சூர்யாவிற்கு இதையம் மாற்றப்பட்டதும் கெட்ட சூர்யா நல்ல சூர்யாவாக உருமாறுகிறார். இறந்த அண்ணன் காதலி  காஜல் அகர்வாலை தன் காதலி ஆக்குகிறார். என்ன ஒரு நல்ல எண்ணம்.
 
* படம் முழுக்க கொலைகள் கேவலமான வசனம். வெளிப்படையான உதட்டு முத்தம். பெண்கள் குடிப்பது என்று எதற்கும் சென்சார் போர்ட் இல்லாமல் எல்லோரும் எப்படிதான்  குடும்பத்துடன் படம் பார்ப்பது  என்பதுதான் கேள்வி. 
  
(+)
 
* படத்தில் பாரதியாரை நியாபகப்படுத்தியது. கலீல் ஜிப்ரான் கவிதைகளை அறிமுகப்படுத்தியது. ஒரு பாடல் மிகச்சிறந்த முறையில் படமாக்கியது இவை தவிர வேறு எதுவும் மனதில் பதியவில்லை.
 
என்னை பொறுத்தவரை சூரியாவிட்கு இந்த படம் வணிக ரீதியாக வெற்றி அடைந்தாலும் தரத்தின் அடிப்படையில் படம் பெரிய  மைனஸ்.
 
சாருலதா 
 

 
(+)
 
* ப்ரியாமணியின் வித்தியாசமான நடிப்பு. உண்மையிலேயே இருவேறு நடிப்பை படம் முழுக்க காட்டப்படுள்ளது. ப்ரியாமணியின் உடல் மொழி இப்படத்தில் கட்சிதமாக அமைந்திருக்கிறது. ஒரு முகத்தில் காதலும் ஒரு முகத்தில் வெறுப்புமான நடிப்பு மனதை தொட்டது.
 
* ஒரு அமானுஷ படமாக எடுத்ததோடு அதில் கடைசியில் ஆவியாக வருவது லதா அல்ல சாரு என்பது ஒரு சரியான யுக்தி. லதா சாருவாக ஆள்மாறாட்டம் செய்து இறுதியாக மரணம் வரை சென்று தன் காதலனோடு சேருவது நன்றாக திரைகதை அமைக்கப்பட்டிருக்கிறது 
 
*படத்தில் காமடிக்காக வரும்  சிறுவன் வயதிற்கு மீறி பேசினாலும் ரசிக்கும்படியாகவே  
உள்ளது.

(-)

* படத்தில் மனநல மருத்துவராக வரும் சீதாவின் நடிப்புக்கு இன்னும்  கொஞ்சம் வாய்ப்பு கொடுத்திருக்கலாம்.

* சாரு நல்லவள் என்று காடப்படாலும் தன் தாயையே  பழிவாங்க நினைப்பதாய் வரும் காட்சிகள் தேவையற்றது .

* படத்தில் சில இடங்களில் தேவையற்ற கிராபிக்ஸ் கட்சிகள் தவிர்த்திருக்கலாம். 
 

 

" சாட்டை" - படம் நல்ல முயற்சி

" சாட்டை" இந்த படம் ஒரு விழிப்புணர்வுமிக்க படம். இந்த படம் நான் மிகவும் ரசித்த நம்மவர் படம் பார்ப்பது போன்ற ஒரு உணர்வை ஏற்படுத்தியது.இந்த  படம் வெறும் படமாக இல்லாமல் பாடமாக மாணவர்களுக்கு மட்டுமல்லாது ஆசிரியர்களுக்கும் சொல்லிக்கொடுக்கிறது. ஒரு ஆசிரியர் நினைத்தால் ஒரு படிக்காத மாணவனையும் படிக்கவைக்கலாம் அதற்கு  கொஞ்சம் அன்பு காட்டுங்கள் என்று சொல்லித் தருகின்றது இப்படம். சமுத்திரகனி அவர்கள் இப்போது உள்ள கல்வியின் அழுத்தம் எத்தகையது என்கின்ற ஒரு விழிப்புணர்வை படத்தில்  நன்றாக வெளிப்படுத்தி இருக்கின்றார் . படிப்பை காசாக்கும் கல்வி நிலையங்கள், ஏழைகள் அவர்களுது குழந்தைகள் அரசு பள்ளியில் யாரும் கவனிப்பாரற்று மற்றொருபுறம் என்று கல்வி பல கேள்விகளை நமக்கு இன்று விடைதேடும் வேலையை மட்டுமே  கொடுக்கப்பட்டிருக்கிறது. ஒரு சிறந்த மாணவனை, ஒரு சிறந்த சமுதாயத்தை நாம் படைக்க தவறும்போதெல்லாம் அந்த சமுதாயம் மிக மோசமான தீவிரவாதம், போதைக்கு அடிமை என்று நதியாக  ஓடவேண்டியது இன்று குட்டையாய் தேங்கி அதுவே
சாக்கடையாய் மாறிவிடுகின்றது. இதற்கு காரணம் தேடுவதை விட்டுவிட்டு நம்மிடம் உள்ள    குறைகளை நிவர்த்தி செய்வோம்.கல்வியின் தரம் உயர்த்தவேண்டும் என்கின்ற சிந்தனை மட்டுமே நாம் கருத்தில் எடுக்கவேண்டிய முக்கிய விஷயம் இப்போது.

                
கல்வி அறிவு எல்லோரும் பெறவேண்டும், தவறு செய்யும் ஒவ்வருவரும் திருந்தி நல்வழியில்  சமுதாயத்தை உயர்த்தவேண்டும் என்கின்ற இலட்சியத்தை மாணவர்கள் மத்தியில் விதைக்கும் முயற்சி கண்டிப்பாய் பாரட்டப்படவேண்டிய ஒன்று. இப்படி ஒரு ஆசிரியர் ஒவ்வருவர் வாழ்விலும் கிடைக்கவேண்டும், அப்படி எனக்கு  கிடைத்த நல்ல  ஆசிரியர்களை நினைத்து அவர்களுக்கு இப்போது  என்  மனமார்ந்த  நன்றிகளை  சொல்ல விரும்புகிறேன்.

 

நதி எங்கே போகிறது...

உலகத்தில் மனிதனால் உருவாக்கமுடியாத பலவற்றுள் நதியும் ஒன்று. நதி பூமியை குளிர்விக்க, எல்லா உயிரினமும் ஜனிக்க, அனுபவிக்க, தாகம் தீர்க்க, நீந்தி மகிழ, பார்த்து ரசிக்கவென்று படைக்கப்பட்ட ஒரு உன்னதமான படைப்பு. பிரபஞ்சமே ஒரு அழகான ரகசியம் அந்த ரகசியத்தின் மெய்பொருள் இந்த நதிகள். நதி தன்னை காயப்படுத்துபவர்களையும் குளிர்விக்கிறது. தன்னை மாசுபடுதுபவர்களையும் தூய்மைப்படுத்துகிறது. அதனால்தான் முன்னோர்கள் தாய்மைக்கு இலக்கணமான நதிகளுக்கு கங்கா, யமுனா, காவேரி என்று பெயரிட்டு பெண்ணும் நதியும் ஒன்றாக கருதினர். ஒரு பெண் கெட்டுப்போனால் அந்த குடும்பம் கெட்டுப்போகும் அதேபோல்  ஒரு நதி கெட்டுப்போனால் அது அந்த நதியை சார்ந்த அத்தனையும் கெட்டுப்போகும் என்கின்ற மனநிலையோடு வைக்கப்பட்ட பெயர்களாக பெண்ணின் பெயரை நதிக்கு வைத்தனர் முன்னோர்கள். 

எங்கெல்லாம் நதிகள் ஓடுகின்றனவோ அங்கெல்லாம் பூக்கள் சொரிந்து நந்தவனமாகுகின்றன. நதி மனிதருக்கு ஒரு வரப்பிரசாதம். நதி கடவுளுக்கு இணையான ஒன்று. நதி தனக்கான கடமையை சரியாக செய்து வாய்க்கால்  வரப்பாக, மலைமேல் அருவியாக ஓடி கடலில் கலப்பதுவரை நதி ஒரு நடமாடும் தேவதையாக, கண்களுக்கு விருந்தாக, உடலுக்கு இனிமையாக, தாகத்தை தணிக்கும் தாயாக, பசிக்கு மீன்களை உணவாக தந்து நம்மை வளர்த்தெடுப்பதில் நதிக்கு முக்கிய பங்குண்டு. நதிக்கும் நமக்குமான தொடர்பு எக்காலத்திலும் இருந்துகொண்டே இருப்பவை. நதி வற்றிப்போனால் அது நமக்கு தரப்பட்ட தண்டனை.

நதிக்கு இவ்வளவு சிறப்பு இருக்க, நாம் நதியை எப்படி வைத்திருக்கிறோம். நமது நாட்டில் உள்ள நதிகள் செத்து ரொம்ப நாளாகிவிட்டது. அந்த நதிக்குதான் நாம் காகிதங்களாலும், பிளாஸ்டிக் பொருட்களாலும், தண்ணீர் பாட்டில்களாலும், நமது மனித மலங்களாலும், ரசாயன குழம்புகளாலும் இப்போது சமாதி கட்டிக்கொண்டிருக்கிறோம். கிட்டத்தட்ட நமது இந்திய நாட்டில் உள்ள எல்ல நதிகளும் கொலை செய்யப்பட்டு சடலங்கலாக்கப்பட்டுவிட்டன. அந்த செத்த நதிகளில்தான் இன்னும் நாம் உறவு வைத்துக்கொண்டிருக்கிறோம். புனிதமான கங்கை நதி எப்போதோ செத்துப்போய்விட்டது. அதை புனிதம் என்று நம் கழிவுகளை கொட்டிக்கொட்டி நாசமாகிகொண்டே இருக்கிறோம்.

இந்த பிரபஞ்சம் முழுவதும் ஐம்பூதங்களால் ஆனவை நீர்,நிலம்,காற்று, ஆகாயம், பூமி இதைதான் கடவுள் என்று நாம் உருவங்களாக்கி வெவ்வேறு ரூபத்தில் நாம் வழிபடுகிறோம். அதை கருத்தில் கொண்டு மண்ணால் ஆனா உருவத்தை கடவுள் என்று நினைத்து நீரில் கரைக்கப்பட்டு வந்த வழிபாடுதான் விநாயகர் சதுர்த்தி இதை புரியாமல் ரசாயன கலவையால் செய்யப்பட்ட விநாயகர் சிலையை சாயம் பூசி அதை ஆற்றிலும், கடலிலும் கரைத்து நதியை நாசம் செய்வதை விநாயகரே ஏற்கமாட்டார்.நதியை மாசாக்கும் சடங்கு அது சடங்கே அல்ல அது நதிகளுக்கு கட்டப்படும் சமாதி. அதனால் கடவுள் ஒருபோதும் திருப்தியடையப்போவதில்லை. நாம் கடவுள் பெயரால் நதியை கொலை செய்கிறோம் என்பதே உண்மை.

இதுவரை நதிகளை கொலைசெய்தது போதும், நதிக்கு நாம் செய்யும் ஒவ்வரு கெடுதலும் நமக்கு நாமே வெட்டிக்கொள்ளும் சவக்குளியாகும். இனியாவது இருக்கும் நதியை காப்பாற்றினால் மட்டுமே அடுத்த தலைமுறை வாழ வழியுண்டாகும். நாம் சேர்த்து வைக்கும் பல கோடி சொத்துக்கள் நமது அடுத்த தலைமுறைக்கு உதவுகிறதோ இல்லையோ அவர்களுக்கு நாம் விட்டுச்செல்லும் சுத்தமான காற்று, நீர்தான் அவர்களை ஆரோக்கியமாக வைத்து வாழவகைசெய்யும். இயற்கையை அழிப்பதும் பெற்ற தாயை அழிப்பதும் ஒன்றுதான். ஆகையால் இயற்கையை நாம் காப்பாற்ற வேண்டாம் அழிக்காமல் இருப்போம் என்பதே என்னுடைய கருத்தாகும்.